Японы Sony групп цахим тоглоомын хөгжүүлэлт хариуцсан охин компанийнхаа 900 орчим ажилтнаа цомхотгох болсноо мэдэгдлээ.

Nihon Keizai Shimbun (Nikkei) болон Jiji News зэрэг Японы хэвлэл мэдээллийн томоохон агентлагуудын 28-ны өдөр мэдээлснээр, Sony группын охин компани болох Sony Interactive Entertainment (SIE) өмнөх өдөр нь нийт ажилчдынхаа 8 буюу 900 орчим ажилтнаа цомхотгох болсноо зарласан болохыг онцолжээ.

SIE-ийн гүйцэтгэх захирал Жим Райан "Бүтцийн шинэчлэл хийхийн тулд хатуу шийдвэр гаргахаас аргагүй байлаа" хэмээн дурдсан байна. Түүнчлэн уг шийдвэрийнхээ хүрээнд зөвхөн Япон төдийгүй АНУ, Европ, Азийн бусад улс дахь салбар компанийнхаа ажилтнуудыг ч цомхотгох төлөвлөгөөтэй байгаа аж.

Цахим тоглоомын салбар бол Sony группын хувьд гол бизнес бөгөөд нийт борлуулалтын 30 хувийг эзэлдэг. Өөрөөр хэлбэл жилийн борлуулалт нь 4 их наяд иенд хүрдэг тус группын хамгийн том бизнес юм..

Гэсэн хэдий ч “PlayStation” цувралын борлуулалт удаашралтайн дээр хөгжүүлэлтийн зардал нэмэгдсэний улмаас ашигт ажиллагаа сүүлийн үед суларсан байна.

Өнгөрөгч 14-ний өдөр Sony групп 2023 оны санхүүгийн жил дэх (2023 оны 4-р сараас 2024 оны 3-р сар хүртэл) “PlayStation 5” цувралын борлуулалтын таамаглалаа 25 саяас 21 сая болгон бууруулсан билээ.

Эх сурвалж: Newsis