Ням гарагт Их Британи улсын түүхэнд 1997 оноос хойших хамгийн дулаан Зул сарын үдэш бүртгэгджээ. Албаныхны мэдээлснээр Лондонгийн баруун хэсэгт орших Хитроу, Слоу дахь Киппенхэм хотуудад агаарын температур Цельсийн 15.3 хэмд хүрсэн байна.
Шинжээчдийн зүгээс энэ нь түүхэн дэх хамгийн дулаан Зул сарын үдэш байх хэмээж байсан ч архиваас үзвэл 1931 онд эл өдөр Шотландад агаарын температур 15.5 хэмд хүрч байжээ.
Тийнхүү цаг уурчдын зүгээс өнөөдөр буюу арванхоёрдугаар сарын 25-ы өдөр тус улсын түүхэнд 2016 оноос хойших хамгийн дулаан Зул сарын өдөр бүртгэгдэнэ хэмээн тооцсон байна.
Ташрамд дурдахад Их Британийн Вант Улсын хувьд Зул сарын баярын өдөр цас орох нь нийтлэг үзэгдэл биш тул цаг уурчид сүүлийн 24 цагийн дотор ганц л цасан ширхэг ажиглах аваас тухайн Зул сарын өдрийн “Цагаан зул сар” хэмээн нэрийддэг ажээ.
Эх сурвалж: BBC