АНУ-ын хувийн хэвшлийн компанийн зохион бүтээж, саран дээр амжилттай газардуулсан “Odysseus” сансрын судалгааны робот станц эрчим хүчний асуудлаас болж үйл ажиллагаагаа бүрмөсөн зогсоожээ.

Орон нутгийн цагаар 24-ний өдөр France Press зэрэг хэвлэл мэдээллийн агентлагуудын мэдээлснээр, “Odysseus” станцыг хөгжүүлсэн Intuitive Machines компани "Эрчим хүчний асуудлаас болж бид “Odysseus” станцтай дахин холбоо тогтоох боломжгүй болсон гэж үзэж байна" хэмээн цохон тэмдэглэв.

Үргэлжлүүлэн "“Odysseus” нь хувийн хэвшлийн компанийн бүтээсэн саран дээр газардсан анхны арилжааны зорилготой судалгааны станц гэдгээрээ түүхэнд нэрээ үлдээж чадлаа" хэмээн дурджээ.

Тус судалгааны станц нь өнгөрсөн сард саран дээр газардах үедээ сарны гадаргуу дээрх овгор хэсэгт бүдрэн хажуулдан унаснаар эх биен дээр суурилуулсан зарим хавтанг нарны эрчим хүчээр цэнэглэхэд хүндрэл үүснэ хэмээн тооцоолж байсан нь ийнхүү батлагдаж буй бололтой.

Intuitive Machines компани энэ жил сарыг судлах дахин хоёр төслийг хэрэгжүүлэхээр төлөвлөж байгаа бөгөөд эдгээр төслүүдээ АНУ-ын Үндэсний Аэронавтик, Сансар судлалын агентлаг буюу НАСА-гийн “Аrtemis” сарны хайгуулын төслийн нэг хэсэг болгохоор ажиллаж байгаа аж.

Эх сурвалж: YTN