500 гаруй эртэй энгэр зөрүүлсэн эмэгтэй хүмүүст ханиа сонгохоос өмнө түүнтэй ижил зүйл хийж үзэхийг зөвлөжээ.
Саманта Филлипс гэх эмэгтэйн хувьд 1990 оны үед Penthouse гэх сэтгүүлийн модель байсан бөгөөд түүний хэлж байгаагаар эмэгтэй хүн 500 гаруй эртэй энгэр зөрүүлэхээс нааш цор ганц хайртайгаа учирсан эсэхээ баттай мэдэхгүй гэсэн юм.
Энэ талаар тэр Холли Рандаллийн подкаст нэвтрүүлэгт оролцохдоо өгүүлжээ.
Түүний хэлснээр, “500 эртэй хамт байж үзсэний эцэст таны сонгох хүн бол үнэхээр л онцгой нэгэн байх болно. Учир нь та төдий олон хүн үзсэн хэр нь тэр л танд бусдаас илүү санагдана шүү дээ.
Хүн залуудаа өөрийн бэлгийн чиг хандлагыг тодорхойлохоор хичээж, ямар төрлийн харилцаа хүсдэгээ таньж мэдэхээр оролддог. Энэ үедээ хүн аль болох олон хүнтэй танилцаж үзэх хэрэгтэй бөгөөд түүний дараагаар тогтвортой, хамтын амьдрал руу орох хэрэгтэй. Тэгж таньж мэдээгүй цагт хүн үргэлж сониучирхаж байдаг. Хосын харилцаанд анх удаагаа л орж үзээд, тухайн хүнтэйгээ гэр бүл зохиочихдог. Тэгээд хамаг юм болоод өнгөрсөн хойно эргэлзэж суухыг хэн ч хүсэхгүй шүү дээ. Энэ нөхцөлд хүн тэр хүнээс өөр ямар хувилбар байж болох бол өөрөөсөө асуух үе бий.
Энэ чинь яг л буфет хоолны заал шиг шүү дээ. Гол хоолондоо юу сонгохоо шийдэхээс өмнө ерөнхийд нь нэг харж, тухайн өдөр гарч байгаа хоолтой танилцаж, бага багаар амсаж үзээд эцсийн шийдвэрээ гаргах хэрэгтэй” гэжээ.
Эх сурвалж: UNILAD