Хиймэл оюун ухаан хамгийн түрүүнд санхүүгийн салбарыг орлоно
6 сарын 20. 11:460

Хиймэл оюун ухаанд хамгийн их эзлэгдэх салбар, ажлын байруудыг судалж үзэхэд санхүүгийн салбар хамгийн эмзэг байгааг судлаачид мэдээлжээ.

Блүүмберг агентлагийн мэдээлж байгаагаар Ситигруппийн судалгаанаас үзэхэд банк, санхүүгийн салбарын нийт ажлын байрны 54 хувийг автоматжуулж, цаашлаад дахин 12 хувийг хиймэл оюун ухааны тусламжтай чанаржуулах боломж бий гэнэ.

Түүнчлэн даатгалын салбарын 48 хувь, эрчим хүчний 43 хувь, хөрөнгийн зах зээлийн 40 хувь, аяллын 38 хувь, программ хангамжийн 36 хувь, арилжааны 34 хувь, харилцаа холбоо, медиа 33 хувь, төрийн үйлчилгээний 30 хувь, автомашин үйлдвэрлэлийн 30 хувийг хиймэл оюун ухаан орлох чадвартай болсон байна.

Үнэхээр ч олон улсын том банкнууд өнгөрсөн оноос хойш ажилтнуудын бүтээмжийг нэмэх, зардлыг багасгах үүднээс хиймэл оюун ухааныг бага багаар ашиглаж, туршиж байгаа билээ.

Тухайлбал Ситигруппийн 40 мянган хөгжүүлэгч төрөл бүрийн хиймэл оюун ухаантай харилцах, турших чадвартай бөгөөд өгүүлбэр бүтээх, энгийн асуулт, сэдвийн дагуу эсээ бичих чадвартай хиймэл оюун ухааны хүчээр зуу зуун хуудас журам боловсруулаад байгаа юм.

Мөн ЖПМорган Чэйз хиймэл оюун ухаантай харилцах чадвартай ажилтнуудыг ихээр сонгон шалгаруулж авч байгаа гэнэ. Гүйцэтгэх захирал Жэми Димоны хэлснээр технологийн энэ дэвшлийг сайтар ашиглавал долоо хоногийн ажлын өдрийг 3.5 болгон багасгах ч боломжтой гэнэ.

Ситигруппийн тайлбарлаж байгаагаар хиймэл оюун ухаан ажлын байр орлоно гэдэг нь төдий хэмжээний ажилгүйдэл үүсгэнэ гэсэн үг биш гэнэ. Учир нь хиймэл оюун ухаан ажиллуулахын тулд төдий хэмжээний менежер инженерийн орон тоо гарах аж.

Түүнчлэн 1970-2000 онуудад автомат теллер машинууд гарч ирж байхад ч банкнуудын теллерийн тоо хурдтай өсөж байсныг тэд эш татан сануулжээ.

 

Эх сурвалж: Yonhap

 

 

Энэ мэдээнд өгөх таны сэтгэгдэл?
1
0
0
0
0
0
0
Сэтгэгдэл үлдээх
Нийт 0 сэтгэгдэл
Онцлох мэдээ
Зөвхөн баячуудын сонирхдог байсан хоргодох байрыг Германы дундаж давхаргынхан олноор захиалах болжээ
02024-7-15 4:15
Дональд Трамп руу зэвсэгт этгээд гал нээх үед юу болж өнгөрөв?
02024-7-14 19:10
БНХАУ: Төрөлт буурч, насжилт ихсэж байгаагаас цэцэрлэгүүдийг ахмадуудад зориулсан төв болгож эхэлжээ
02024-7-14 16:08
НҮБ: 60 жилийн дараа дэлхийн хүн ам 10.29 тэрбумд хүрнэ
02024-7-13 3:54
Дэлхийн нар, салхины эрчим хүчний нийт төслийн 64 хувь нь Хятадад хэрэгжиж байна
02024-7-13 3:45
Эдийн засгаараа Африкийн орнуудыг тэргүүлж асан Нигери улс гуравдугаар байр руу ухарчээ
12024-7-12 2:57
Хятадын зах зээлд тэсэж үлдэнэ гэдэг гадны автомашин үйлдвэрлэгчдийн хувьд томоохон сорил
12024-7-11 3:25
Honda компани Тайланд дахь нэг үйлдвэрийнхээ үйл ажиллагааг зогсоохоор болжээ
02024-7-10 14:36
Хиймэл оюун хувьсгал хийж, орлогын пирамидын оргилоос санхүүгийн салбарыг буулгав
02024-7-9 12:58
Копенхаген хотод хог түүсэн жуулчдад шагналтай
02024-7-9 12:26