Калифорни мужийн Сакраменто дахь гэрээсээ таван жилийн өмнө зугтаж, алга болсон Дизел нэртэй илжгийг эзэд нь зэрлэг амьтанд бариулсан байх хэмээн бодож байжээ.

Гэтэл ор сураггүй таван жил өнгөрсний дараа энэ оны эхээр нутгийн нэгэн анчин Калифорнийн өмнөд нутгаар хэсэж явахдаа арав гаруй гишүүнтэй хандгайн сүргийн бэлчиж явааг хальсанд буулган авсан байна. Хачирхалтай нь тэдний дунд өнөөх илжиг дүрээрээ байжээ. Эзэд нь ч хараад танисан байна.

Илжигний эзэн Терри Древри анх Дизелийг газар зохицуулалтын хорооноос авч, эдлэндээ тахиа, лам гөрөөс, нэг чихмэл илжигтэй хамт эрх дураар нь амьдруулж байжээ. Гэвч 2019 онд тэд Дизелийг дагуулан ууланд алхаж байтал өнөөх нь гэнэтхэн юмнаас үргээд бутан дундуур орж алга болсон байна. Древри илжгээ хэдэн долоо хоног хайсан ч туурайн мөрөөс нь өөр юм олоогүй аж.

Гэтэл Калифорнийн байгалиар хэсүүчилж, нум сумаар ан хийх хоббитой Энтэр Макс Феннелл гуравдугаар сард авлаж яваад хандгайн сүрэгтэй таарсан байна. Сүрэг анчинтай таармагцаа удтал хөдөлгөөнгүй гацаж байгаад, эцэст нь Дизелийг үргэн холдоход л дагаад явцгаасан гэнэ.

Эх сурвалж: CNN