Сөүл: Дараа сард түүхэндээ хамгийн олон өвчтөнүүдийн жагсаал болно
6 сарын 21. 16:060

БНСУ-д эрүүл мэндийн салбар эгзэгтэй байдалд ороод дөрвөн сар гаруй хугацаа өнгөрөөд байгаа ч тодорхой шийдэлд хүрэлгүй, дунд нь иргэд хохирч байгаа явдалд бухимдсан өвчтөнүүд дараа сард түүхэнд байгаагүй олуулаа цугларч эсэргүүцлийн жагсаал хийхээр төлөвлөжээ.

Тэд хүнд өвчтэй байгаагаа үл хайхран халуун наранд гарч, нэгдсэн нэг шийдвэрт хүрэхийг шаардан дуу хоолойгоо өргөхөө илэрхийлж байна. Тухайлбал, Солонгосын өвчтөнүүдийн холбоо Хуанданён эмч нарыг ажлаа хийхийг уриалж, дахин ийм үйл явдал давтагдахаас сэргийлсэн хууль батлахыг шаардан бусад өвчтөний холбоодтой хамтран өвчтөнүүдийн хөдөлгөөн өрнүүлж, дараа сарын 4-нд Сөүл хотын Чунну дүүргийн Бушингаг өргөөний өмнө жагсана гэдгээ өнөөдөр/06.21/ зарлав.

Одоогийн байдлаар нийт мянга гаруй өвчтөн жагсаалд оролцохоо илэрхийлээд байгаа гэнэ. Мөн эх сурвалжуудын мэдээллээр өмнө нь хэзээ ч ийм олон өвчтөн жагсаал хийж байгаагүй аж.

Жагсагчдын ихэнх нь хүнд өвчтэй учир зуны халуун наранд амь эрсдэхээс сэргийлэн нар шарахаас өмнө 10:30 минутанд жагсаалаа эхэлж, хэд хэдэн анхны түргэн тусламжийн баг бэлэн байдалд байлцуулахаар төлөвлөсөн байна.

 

 

Жагсаалд Хуанданён холбооноос гадна Солонгосын Цусны хорт хавдартай өвчтнүүдийн нийгэмлэг, Солонгосын GIST өвчтөнүүдийн нийгэмлэг, Бөөрний хорт хавдартай өвчтөнүүдийн нийгэмлэг, Хүний эрхийн иргэдийн эвсэл, Солонгосын төрөлхийн зүрхний өвчтэй өвчтөнүүдийн холбоо, Солонгосын псориазын нийгэмлэг, Солонгосын 1-р хэлбэрийн чихрийн шижинтэй өвчтөнүүдийн холбоо, Солонгосын мэдрэлийн дотоод шүүрлийн хорт хавдартай өвчтөнүүдийн холбоо оролцох юм байна.

Эх сурвалж: Yonhap

Энэ мэдээнд өгөх таны сэтгэгдэл?
0
0
0
1
1
1
0
Сэтгэгдэл үлдээх
Нийт 0 сэтгэгдэл
Онцлох мэдээ
Цолмон гаргийн үүлэн дунд амьдрал байж магадгүй
2024-7-19 15:14
В.Путин зуны ордныхоо агаарын хамгаалалтыг зузаатгаж байна
2024-7-19 14:16
Эрдэмтэд хөгшрөлтийн эсрэг том нээлт хийсэн гэв
2024-7-19 12:14
Пёняны цэргийн өндөр албан тушаалтан Москвагийн ойролцоо живж нас баржээ
2024-7-19 11:43
Хятадууд солонгос тамирчдын хувцсыг “шоронгийн” гэж шоолж байна
2024-7-19 11:16
35 жилийн өмнө цөмийн эрчим хүчнээс татгалзсан Итали улс тус салбарыг дахин сэргээхээр зорьж байна
02024-7-19 4:31
Intel Хятадын хиймэл оюун ухаан, хагас дамжуулагчийн салбарт хөрөнгө оруулсаар байна
02024-7-19 3:33
Хятад жуулчид Оросд танк унаж, гранат шидэж аялдаг тренд дэлгэрчээ
2024-7-18 16:08
Дубайн гүнж ганц бие болжээ
2024-7-18 12:49
ИБУИНВУ ургуулсан махыг тэжээвэр амьтны хүнсэнд хэрэглэхийг зөвшөөрлөө
2024-7-18 12:32