“Теодор Рузвельт” хөлөг онгоц цэргийн сургуулилалтад оролцохоор Өмнөд Солонгост ирлээ
6 сарын 24. 10:580

Цөмийн хөдөлгүүрт, нисэх онгоц тээгч “Теодор Рузвельт” хөлөг онгоц хэдхэн хоногийн дараа Өмнөд Солонгос, Япон улсуудтай хамтарсан цэргийн сургуулилалт хийхээр Өмнөд Солонгосын Бусан боомт хотод ирлээ гэж АНУ-ын Тэнгисийн цэргийн хүчний албаны хүмүүс бямба гарагт мэдээллээ.

Өнгөрсөн оны наймдугаар сард болсон дээд түвшний уулзалтын үеэр гурван улсын удирдагчид Хятад улсын өсөн нэмэгдэж буй хүч чадал, түүнчлэн Умард Солонгосоос учирч буй цөмийн аюулын эсрэг эв нэгдлээ харуулах зорилгоор жил бүр цэргийн сургууль хийхээр тохиролцсон юм.

Энэ сард болох "Эрх чөлөөний зааг" нэртэй сургуулилалтад "гурван улсын тэнгисийн цэргийн хүчин" оролцох ажээ. Хамтарсан сургуулилалтын үеэр шумбагч онгоц эсэргүүцэх, агаарын довтолгооноос хамгаалах сургуулиудыг хийнэ гэж АНУ-ын Тэнгисийн цэргийн хүчний нисэх онгоц тээвэрлэгч 9-р бүлгийн командлагч, хошууч адмирал Кристофер Александр мэдээлжээ.

Тэрбээр хэвлэлийн бага хурлын үеэр хэлэхдээ "Энэхүү сургуулилалт нь манай тэнгисийн цэргийн хүчнүүд хоорондын уялдаа холбоог сайжруулах, бид аливаа хямрал, гэнэтийн нөхцөл байдалд бэлэн байгаа эсэхийг баталгаажуулах зорилготой" хэмээгээд сургуулилалтын явцад “Теодор Рузвельт” командлагч хөлөг онгоц байх болно гэж мэдэгдсэн байна.

Гурван улс мөн Умард Солонгосоос учирч буй аюул заналын эсрэг хариу арга хэмжээгээ сайжруулах зорилгоор пуужингийн довтолгооноос хамгаалах болон шумбагч онгоц эсэргүүцэх сургуулийг өнгөрсөн онд хийжээ.

Өнгөрсөн долоо хоногт ОХУ-ын Ерөнхийлөгч Владимир Путин 24 жилийн дараа Умард Солонгост айлчиллаа. Тэрбээр удирдагч Ким Жөн Унтай харилцан батлан хамгаалах үүрэг бүхий гэрээнд гарын үсэг зурсан. Энэ бол сүүлийн жилүүдэд Ази тивд хийсэн ОХУ-ын хамгийн том алхмуудын нэг байсан бөгөөд БНАСАУ-ын удирдагч эл алхмыг "эвсэлтэй дүйцэхүйц" хэмээн мэдэгдсэн юм.

 

Эх сурвалж: МОНЦАМЭ

Энэ мэдээнд өгөх таны сэтгэгдэл?
0
0
0
1
0
0
0
Сэтгэгдэл үлдээх
Нийт 0 сэтгэгдэл
Онцлох мэдээ
Цолмон гаргийн үүлэн дунд амьдрал байж магадгүй
2024-7-19 15:14
В.Путин зуны ордныхоо агаарын хамгаалалтыг зузаатгаж байна
2024-7-19 14:16
Эрдэмтэд хөгшрөлтийн эсрэг том нээлт хийсэн гэв
2024-7-19 12:14
Пёняны цэргийн өндөр албан тушаалтан Москвагийн ойролцоо живж нас баржээ
2024-7-19 11:43
Хятадууд солонгос тамирчдын хувцсыг “шоронгийн” гэж шоолж байна
2024-7-19 11:16
35 жилийн өмнө цөмийн эрчим хүчнээс татгалзсан Итали улс тус салбарыг дахин сэргээхээр зорьж байна
02024-7-19 4:31
Intel Хятадын хиймэл оюун ухаан, хагас дамжуулагчийн салбарт хөрөнгө оруулсаар байна
02024-7-19 3:33
Хятад жуулчид Оросд танк унаж, гранат шидэж аялдаг тренд дэлгэрчээ
2024-7-18 16:08
Дубайн гүнж ганц бие болжээ
2024-7-18 12:49
ИБУИНВУ ургуулсан махыг тэжээвэр амьтны хүнсэнд хэрэглэхийг зөвшөөрлөө
2024-7-18 12:32