БНХАУ-ын нийгмийн цахим сүлжээний платформ Вейбо дээр хүн ам сууурьшлын бүсэд сансрын пуужингийн хог унаж байгаа дүрс бичлэг таржээ.

Эх сурвалжуудын мэдээллээр тус үйл явдал өнгөрсөн амралтын өдрөөр буюу хиймэл дагуул хөөргөх Шичан төвөөс Хятад-Францын хиймэл дагуулын ачааг тээсэн Лонг Марч 2С пуужин хөөрсны дараахан болжээ.

Тус хиймэл дагуул хөөргөх төв Сичуан мужийн Шичан хотоос 85км зайд байдаг бол пуужингийн хог хөрш Гуйжоу мужийн Гуйдин тосгонд унажээ.

Дүрс бичлэгээс харахад иргэд хогноос бултаж амжсан бололтой. Гэвч одоогийн байдлаар хүний эд хөрөнгө амь нас, эрүүл мэнд хохирсон тухай ямар нэг албаны мэдээлэл ил болоогүй байгаа юм.

Эх сурвалж: RT