Apple компани iPhone-ийг угсрах үйл явцыг автоматжуулснаар ажиллах хүчийг 50 хувиар бууруулна
6 сарын 25. 12:220

Apple компани iPhone ухаалаг утасны угсрах үйл явцыг автоматжуулах замаар үйлдвэрийн ажилчдыг 50 хүртэл хувиар бууруулах төлөвлөгөөг хэрэгжүүлэхээр болжээ.

Орон нутгийн цагаар 24-ний өдөр мэдээллийн технологийн чиглэлээр дагнасан хэвлэл мэдээллийн хэрэгсэл болох The Information-ий мэдээлснээр Apple компани нийт ажиллах хүчээ багасгахын тулд төлөвлөгөөт зардлаас шалтгаалан хойшлогдоод байсан нийлүүлэлтийн сүлжээ болон үйлдвэрлэлийн автоматжуулалтын төслүүдийг дахин эхлүүлсэн талаар онцлов.

Apple-ийн автоматжуулалтын төсөл 2022 оны арваннэгдүгээр сард хамгийн том түнш болох Foxconn-ийн анхан шатны угсралтын үйлдвэрт эхэлсэн хэдий ч iPhone-ийн ажилчид болон цагдаа нарын хооронд мөргөлдөөн үүссэнээр амжилттай болж чадаагүй юм.

Тухайн үед ажилчид тэтгэмжийн асуудал болон Хятадын эрх баригчдын цар тахлын эсрэг авч хэрэгжүүлж байсан хорио цээрийн хатуу бодлогыг эсэргүүцэн томоохон жагсаал цуглаан зохион байгуулж, цагдаа нартай мөргөлдөж, iPhone гар утасны үйлдвэрлэлд саад учруулж байв.

Энэ хэрэг явдлын дараахан Apple-ын үйл ажиллагаа эрхэлсэн ахлах дэд ерөнхийлөгч Саби Хан менежерүүдэд "Ирэх хэдэн жилийн хугацаанд iPhone-ийн эцсийн угсралтын ажилчдын тоог 50 хувиар бууруулах" чиглэлийг өгсөн байна.

Түүнчлэн тус мэдээнд дурдсанаар Apple-ийн зүгээс үйл ажиллагаагаа автоматжуулахад хөрөнгө оруулалт хийхийг ханган нийлүүлэгч компаниудаасаа шаарддаг болохыг дурджээ.

Өнгөрсөн оны есдүгээр сард худалдаанд гарсан iPhone 15-ын эцсийн угсралтын явцад "автоматжуулалтыг ихээр" хийсэн хэмээн тухайн үед хэвлэл мэдээллийн хэрэгслүүд мэдээлж байсан билээ.

Эх сурвалж: SBS Biz

Энэ мэдээнд өгөх таны сэтгэгдэл?
0
0
0
0
0
0
0
Сэтгэгдэл үлдээх
Нийт 0 сэтгэгдэл
Онцлох мэдээ
Цолмон гаргийн үүлэн дунд амьдрал байж магадгүй
2024-7-19 15:14
В.Путин зуны ордныхоо агаарын хамгаалалтыг зузаатгаж байна
2024-7-19 14:16
Эрдэмтэд хөгшрөлтийн эсрэг том нээлт хийсэн гэв
2024-7-19 12:14
Пёняны цэргийн өндөр албан тушаалтан Москвагийн ойролцоо живж нас баржээ
2024-7-19 11:43
Хятадууд солонгос тамирчдын хувцсыг “шоронгийн” гэж шоолж байна
2024-7-19 11:16
35 жилийн өмнө цөмийн эрчим хүчнээс татгалзсан Итали улс тус салбарыг дахин сэргээхээр зорьж байна
02024-7-19 4:31
Intel Хятадын хиймэл оюун ухаан, хагас дамжуулагчийн салбарт хөрөнгө оруулсаар байна
02024-7-19 3:33
Хятад жуулчид Оросд танк унаж, гранат шидэж аялдаг тренд дэлгэрчээ
2024-7-18 16:08
Дубайн гүнж ганц бие болжээ
2024-7-18 12:49
ИБУИНВУ ургуулсан махыг тэжээвэр амьтны хүнсэнд хэрэглэхийг зөвшөөрлөө
2024-7-18 12:32