БНХАУ жаран зургаан сая жилийн тэртээ үлэг гүрвэлүүдийг устгасантай адил аюул тулгарахад дэлхийг хамгаалж чадах эсэхээ туршиж үзэхийн тулд дэлхийтэй ойр ирсэн солирыг зад харваж үзэхээр төлөвлөж байна.

Энэ төлөвлөгөөнийхөө талаар тэд олон улсын сансар судлалын “Deep Space Exploration” сэтгүүлд нийтлэгдсэн нь олны анхаарлын төвд оржээ. Тэдний төлөвлөж байгаагаар дээрх туршилт 2030 оноос өмнө болох агаад бай нь 30м орчим диаметртэй солир байх аж.

Өмнө нь тэд 2019VL5 нэртэй солирыг онилж байсан ч сүүлийн үед 2015XF261 солирт анхаарлаа хандуулаад байгаа бололтой.

Солир устгахын тулд ажиглагч, устгагч гэсэн хоёр тусдаа төхөөрөмж хөөргөх гэнэ. Өөрөөр хэлбэл, эхлээд ажиглагч төхөөрөмж хөөрөн солир дээр очин гурваас зургаан сарын турш тойрч ажиглах бөгөөд ажиглалтын үр дүнд цуглуулсан мэдээлэл дээр үндэслэн тухайн солирт тусгайлан зориулсан устгагч пуужин хөөрч очих юм байна.

Эх сурвалж: Futurism