Л.Хэмилтон гурван жилийн дараа “Формула-1”-ийн гараанд түрүүллээ
7 сарын 8. 15:080

“Формула-1” ангиллын авто уралдааны энэ оны дэлхийн аварга шалгаруулах тэмцээний 12 дахь гараа буюу Их Британийн Гран-Прид “Мерседес" багийн нисгэгч Льюис Хэмилтон түрүүллээ.

Хоёрдугаар байрыг “Ред Булл” багийн нидерланд нисгэгч Макс Ферстаппен эзэлсэн бол "Макларен" багийн нисгэгч Ландо Норрис гуравдугаар байрт оржээ. Л.Хэмилтон 2021 оноос хойш анх удаа дэлхийн аваргын Гран-прид түрүүллээ. Хамгийн сүүлд тэрбээр 2021 оны 12 дугаар сард Саудын Арабын Гран-прид нэгдүгээр байр эзэлж байсан юм.

Л.Хэмилтоны хувьд "Сильверстоун” зам дээр ес дэх удаагаа түрүүлснээр Их Британийн Гран-прид хамгийн олон түрүүлсэн амжилтыг тогтоожээ. Тэрбээр мөн ДАШТ-ий нэг Гран-при уралдаанд аваргалсан тоогоор Францын Гран-при уралдааны түрүүг найман удаа авч байсан Германы нисгэгч Михаэль Шумахерын амжилтыг эвдсэн байна. Л.Хэмилтон мөн Унгарын Гран-прид найман удаа түрүүлжээ.

Энэ оны 12 дахь гарааны дараах байдлаар М.Ферстаппен 255 оноогоор ДАШТ-д тэргүүлсэн хэвээр байгаа бол түүний араас Л.Норрис /171 оноо/, “Феррари” багийн нисгэгч Ш.Леклер /150/ нар удаалж байна. Харин багийн чансаагаар “Ред Булл” /373/ тэргүүлж байгаа бол “Феррари” /302/, “Макларен” /295/ багууд тус тус хоёр, гуравдугаарт бичигдэж байна.

“Формула-1” -ийн 13 дахь гараа долоодугаар сарын 19-21-ны өдрүүдэд Унгарт болно.

 

Эх сурвалж: МОНЦАМЭ

Энэ мэдээнд өгөх таны сэтгэгдэл?
0
0
0
0
0
0
0
Сэтгэгдэл үлдээх
Нийт 0 сэтгэгдэл
Онцлох мэдээ
Зөвхөн баячуудын сонирхдог байсан хоргодох байрыг Германы дундаж давхаргынхан олноор захиалах болжээ
02024-7-15 4:15
Дональд Трамп руу зэвсэгт этгээд гал нээх үед юу болж өнгөрөв?
02024-7-14 19:10
БНХАУ: Төрөлт буурч, насжилт ихсэж байгаагаас цэцэрлэгүүдийг ахмадуудад зориулсан төв болгож эхэлжээ
02024-7-14 16:08
НҮБ: 60 жилийн дараа дэлхийн хүн ам 10.29 тэрбумд хүрнэ
02024-7-13 3:54
Дэлхийн нар, салхины эрчим хүчний нийт төслийн 64 хувь нь Хятадад хэрэгжиж байна
02024-7-13 3:45
Эдийн засгаараа Африкийн орнуудыг тэргүүлж асан Нигери улс гуравдугаар байр руу ухарчээ
12024-7-12 2:57
Хятадын зах зээлд тэсэж үлдэнэ гэдэг гадны автомашин үйлдвэрлэгчдийн хувьд томоохон сорил
12024-7-11 3:25
Honda компани Тайланд дахь нэг үйлдвэрийнхээ үйл ажиллагааг зогсоохоор болжээ
02024-7-10 14:36
Хиймэл оюун хувьсгал хийж, орлогын пирамидын оргилоос санхүүгийн салбарыг буулгав
02024-7-9 12:58
Копенхаген хотод хог түүсэн жуулчдад шагналтай
02024-7-9 12:26