АНУ-ын Ерөнхийлөгч Жо Байден өөрийгөө дэлхийг удирдаж байгаа учир албан үүргээ гүйцэтгэж чадах эсэхийг шалгуулах шаардлагагүй хэмээн ярьжээ.

Өдгөө 81 настай Жо Байден үе үе үг, өгүүлбэрээ алдаж, хольж хутгаж хэлдгээс болоод хүмүүс түүнийг Ерөнхийлөгчийн алба хашиж дийлэхээргүй зөнөсөн байж магадгүй гэлцэх болсон билээ. Тэгвэл тэрээр өнгөрсөн долоо хоногт ABC телевизед ярилцлага өгөхдөө бүүр ч жигтэй хариулт өгчээ.

Тэрээр “Би өдөр болгон тархи, сэтгэцээ шалгуулдаг. Бие ч эрүүл чийргээрээ байгаа. Энэ албыг одоо болтол хашиж чадаж байгаа маань миний баталгаа. Би өдөр болгон шалгуулдаг. Өдөр болгон. Түүгээр зогсохгүй би дэлхийг удирдаж байна. Яг ч тийм сүртэй биш л дээ, гэхдээ манайх чинь дэлхийд нэн чухал орон” гэж хариулсан байна.

Мөн өнгөрсөн долоо хоногт Доналд Трамптай мэтгэлцэхдээ буруу зөрүү юм ярьсныгаа ханиад хүрсэн, өөр ямар ч асуудал байхгүй гэх зэргээр хаацайлжээ.

Эх сурвалж: RT