Ямар ч шалтгаанаар бай хамаагүй цэргийн өгзгөнд хүрэх төдийд түүнийг бэлгийн дарамт гэж үзнэ хэмээн Өмнөд Солонгосын шүүх шийдвэрлэжээ.

Энэ сарын 29-ний шүүхийн шийдвэрийг үзвэл, 2022 оны дөрөвдүгээр сард Ганвоны явган цэргийн ангид хуваарилагдсан А нэг байранд байрладаг Б-тэй хамт тамхи татахаар гарсан байна. Цэргийн журмаар бол аливаа золгүй хэрэг явдлаас сэргийлэхийн тулд цэргүүд байрнаас гарахдаа заавал хүнтэй хамт гарах ёстой байдаг аж. Гэвч хамт тамхины цэг рүү шатаар өгсөж байхдаа А нь Б-гийн өгзгөнд нэг секунд орчим хүрсэн байна.

Дээрх хэрэг явдлыг эхэндээ цэргийн шүүх хариуцаж байсан ч өнгөрсөн оны есдүгээр сард А, Б хоёр цэргээс халагдахад иргэний шүүхэд шилжүүлсэн нь ийнхүү энэ сард шийдэгдэж байгаа аж.

Улмаар шүүх ижил хүйстнийхээ өгзгөнд хүрэх нь ямар нэг бэлгийн зорилгогүй байсан ч бэлгийн дарамт мөн гэж үзсэн байна. Иймд Инчон дүүргийн шүүхийн Бүчон салбарын эрүүгийн нэгдүгээр хэлтсийн шүүгч Ким Жон А иргэн А-г цэрэгт бэлгийн дарамт учруулсан гэм буруутайд тооцсон ч өмнө ял эдэлж байсан түүхгүй, хөнгөн хэрэг, хоёр жил өнгөрсөн гэх мэт шалтгаанаар ялыг түтгэлзүүлсэн аж.

Эх сурвалж: Yonhap