Дэлхий даяар алдаршсан, Швейцарт байрлалтай хувцас брендийн томоохон компани болох Филипп Плайн нь төлбөрийн нөхцөлдөө криптовалют хүлээн авах болсон хувцас загварын анхны том бренд боллоо.
Тэдний зүгээс нийт 15 криптовалютыг төлбөр нөхцөлд оруулахаа хэлсэн бөгөөд үүнд Биткоин, Эфериум нар ч багтаж байгаа юм.
Мөн криптовалютыг зөвхөн цахим дэлгүүрт ашиглахгүй худалдааны дэлгүүртээ ч ашиглах гэнэ.
Уг ажлынхаа хүрээнд тус бренд Коинифай гэх крипто гүйлгээний платформтой хамтарч ажиллах болжээ.
Энэхүү шийдвэр нь загварын салбарын криптовалютыг өргөн хэрэглээнд нэвтрүүлэх трендийн нэг хэсэг юм.
Филипп Плайн хэвлэлийнхэнд өгсөн ярилцлагадаа “Би криптовалютыг ирээдүй гэж итгэдэг. Энэ шинэ валютыг хэрэглээндээ нэвтрүүлэх гэж би болон манай хамт олон шаардлагатай бүх системийн өөрчлөлтийг хийж, цаг хугацаа, нөөцөө зориуллаа” хэмээжээ.
Эх сурвалж: Coin Desk