Талибанчууд Афганистаныг эзэлж, АНУ цэргүүдээ тус улсаас татан авч байгаатай холбогдуулан ерөнхийлөгч асан Доналд Трамп өнгөрөгч ням гарагт одоогийн ерөнхийлөгч Жо Байденг “гутамшигтайгаар огцрохыг” шаарджээ.
Долоо хоногийн турш үргэлжилсэн цэргийн ажиллагааны дараа талибанчууд Афганистан улсыг бараг бүхэлд нь эзлэн авсны дараа ням гарагт талибанчуудын зэвсэгт хүчин нийслэл Кабул хотод ирж, Афганистаны Исламын Эмират улсыг тунхаглахад бэлтгэжээ.
Тэгвэл болсон үйл явдлын тухайд АНУ-ын ерөнхийлөгч асан Доналд Трамп “Жо Байден коронавирусийн цар тахлын эрчимжилт, хил дээр өрнөж буй гамшиг, эрчим хүчний хараат бус байдал устаж байгаа болон эдийн засаг доголдож байгаад мөн Афганистанд ийм зүйл болохыг зөвшөөрсөндөө гутамшигтайгаар огцрох цаг нь болсон. Тэр анхнаасаа шударгаар сонгогдоогүй болохоор огцрох нь тийм ч их асуудал болох учиргүй” хэмээн жиргэсэн байна.
Эх сурвалж: Exammer