АНУ-ын тал Тайваньд 440 сая ам.доллароор үнэлэгдэх зэвсэг худалдах зөвшөөрлийг олгожээ.
Тус улсын Батлан хамгаалахын яамны Батлан хамгаалахын аюулгүй байдлын хамтын ажиллагааны агентлаг орон нутгийн цагаар 29-ний өдөр энэ тухай мэдэгдэл хийсэн ба АНУ-ын Төрийн департамент Тайваньтай холбоотой зэвсэг техник худалдаалах хоёр ч гэрээг баталсан болохыг онцолсон байна.
Уг шийдвэрийн хүрээнд том калибрын сум, байлдааны зориулалтттай автомашинуудыг нийлүүлэх аж.
Үүний хариуд Хятадын Гадаад харилцааны яамны хэвлэлийн төлөөлөгч Мао Нин 30-ны өдөр ээлжит хэвлэлийн бага хурлын үеэр хэлэхдээ, “АНУ-ын тал "нэг Хятад" зарчим болон Хятад, Америкийн хамтарсан гурван мэдэгдлийн заалтуудыг дагаж мөрдөж, Тайваньд зэвсэг худалдахыг зогсоох ёстой” хэмээн анхааруулсан байна.
Үүний зэрэгцээ Тайванийн төв мэдээллийн агентлаг Үндэсний батлан хамгаалах яамнаас иш татан мэдээлснээр, АНУ зэвсэг худалдахыг зөвшөөрсөн тухай мэдэгдэл гарсны дараа Хятадын 11 цэргийн нисэх онгоц Тайваний хоолойн дунд шугамыг давсан хэмээн цохон тэмдэглэв.
Эх сурвалж: MBC