Амазон компанийн зүгээс пүрэв гарагт хийсэн мэдэгдэлд тус компани АНУ-д ажилладаг 750 мянган цагийн ажилтныхаа коллежийн төлбөрийг даахаар болжээ.
Энэ оны нэгдүгээр сараас эхлэн Амазон 90-ээс дээш хоног ажиллаж байгаа цагийн ажилчдынхаа коллежийн төлбөр, хураамж, хичээлд шаардлагатай ном товхимлын төлбөрийг даах тухай ярьж байсан бөгөөд ажилчдынхаа хүрээнд бүрэн дунд боловсролын гэрчилгээ олгох хөтөлбөр, ерөнхий боловсролын түвшин тодорхойлох тест, англи хэлийг хоёрдогч хэлээр эзэмшигчийн хэлний түвшин тодорхойлох тестийн төлбөрийг даахаар болсон байна.
АНУ-д хөдөлмөрийн зах зээл хүнд нөхцөлд байгаагаас үүдэн томоохон байгууллагууд энэ мэт арга хэмжээг ихээр авч байгаа бөгөөд Амазон компани ч үүнд нэгдэж байгаа юм. Хөдөлмөрийн зах зээл улам өрсөлдөөнтэй болохын хэрээр Амазон дээрх жишгээр урамшууллын бодлогоо өргөжүүлж байгаагийн нэгэн жишээ нь дээрх бөгөөд улмаар АНУ-ын зарим мужид, Амазон компанид ажилд орсон хүмүүст 3 мянган хүртэлх ам.долларын урамшуулал ч санал болгож байгаа ажээ.
Амазоны Санхүүгийн албаны дарга Брайан Олсавскийгийн хэлж байгаагаар, “Бид ажилчдаа жинхлэх, тэдэнд урамшуулал олгох тал дээр ихээхэн мөнгө зарцуулж байгаа. Хэдий бид хүний нөөцийн хувьд чамлахааргүй түвшинд байгаа ч энэ нь огт зардалгүйгээр бий болчихсон юм биш. Хөдөлмөрийн зах зээл маш өрсөлдөөнтэй байна шүү дээ” гэсэн юм.
Эх сурвалж: CNBC