Пүрэв гарагт биткоины ханш өсөж, сүүлийн 5 хоногийн хугацаанд эрчимтэй унасан биткоины ханш ахин 30,000 ам.долларыг давах болжээ.

Биткоины ханшийн хувьд өнгөрөгч долоодугаар сарын арвантавны өдөр сүүлийн нэг жилийн хугацаан дахь хамгийн өндөр үнэлгээнд хүрсэн ч төдөлгүй эрчимтэй унаж, 30,000 ам.доллароос ч доош ороод байсан юм.

Тэгвэл пүрэв гарагийн 18:00 цагийн байдлаар нэгж биткоин 30,363.13 ам.долларын үнэлгээтэй байна.

Криптовалютын зах зээлийн хүрээнд биткоин нь хамгийн өндөр үнэлгээтэй, хамгийн алдартай коин тул түүний ханшийг даган бусад коины ханш ч хэлбэлздэг. Тиймээс биткоины ханш эргэн өсөхөд эфериумийн ханш ч мөн адил өсөж, нэг ширхэг эфериум 1,923.72 ам.долларын үнэлгээтэй болжээ. Энэ нь сүүлийн 24 цагийн хугацаанд 0.72 хувиар өссөн үзүүлэлт юм.

Эх сурвалж: CoinMarketCap