БНХАУ-ын Хэнан мужийн төвд байрлах эртний агуйгаас 32 мянган жилийн настай гавлын яс олжээ.

Агуй нь Хэнан мужийн Лушан аймгийн Гуанюнси гэх тосгоны нутаг дэвсгэрт оршдог бөгөөд хүний чулуужсан яс, амьтны яс болон чулуун зэвсэг зэрэг эртний олдворууд ихээр олддог газар юм.

Археологич Жао Чингпогийн хэлж байгаагаар, “Энэ бүсэд нийт 2 агуй байдгаас нэг нь 9 метрийн урт, 3 метр өргөн, 3.9 метр өндөртэй, 30 квадрат метр эзлэхүүнтэй агуй байдаг” гэжээ.

Олон жилийн настай гавлын яснаас гадна тухайн бүсээс археологичид морь, ямаа, баавгай, чоно зэргийн 30-40 мянган жилийн тэртээ амьдарч байсан амьтдын 10 мянган жижиг ясыг олсон байна.

Археологичдийн үзэж байгаагаар тухайн бүсээс олдсон хоёр гавлын ясны нэг нь 32 мянган жилийн өмнө амьдарч байсан хүнийх бол нөгөө 12 мянган жилийн өмнө амьдарч байсан хүнийх ажээ.

Улмаар тэдгээр нь тус бүсээс олдсон хамгийн эртний олдворт тооцогдож байгаа юм.

Эх сурвалж: Xinhua