Шинэ Зеланд улсын ерөнхий сайд Жасинда Эрдерн даваа гарагт хийсэн мэдэгдэлдээ хатуу хөл хорио тогтоосноор коронавирусээс ангижирдаггүй болохыг хүлээн зөвшөөрчээ.
Тэрээр Окленд мужийн хөл хориог цуцлах төлөвлөгөөг танилцуулах хэвлэлийн бага хурлын үеэр тус мэдэгдлийг хийж, мягмар гарагаас эхлэн ард иргэд өөрсдийн ойр дотны хүмүүстэй уулзаж, нэг нэгнийдээ зочлон, далайн эрэг рүү явж болохыг хэлсэн байна. Түүнчлэн сургуулийн өмнөх боловсролын байгууллагууд ч үйл ажиллагаагаа явуулж эхлэх гэнэ.
Эрдерний хэлснээр, "Энэхүү дэгдэлтийн үеэр бид нэг зүйлийг маш сайн мэдэж авсан нь урт хугацааны туршид хөл хорио тогтоосноор коронавирусээс ангижирдаггүй гэдэг юм. Гэхдээ энэ тийм ч үр дүнгүй байгаагүй. Бидэнд вакцин байгаагүй үед бид хөл хорионы тусламжтайгаар өдөрт бүртгэгдэх тохиолдлын тоог бууруулж чадсан. Харин одоо бидэнд вакцин байна. Тиймээс бид өөрсдийн авах хариу арга хэмжээг өөрчлөөд үзэх болно" хэмээжээ.
Коронавируст цар тахал гарснаас хойш Шинэ Зеланд улс хатуу хөл хорио тогтоож, ойрын хавьталуудыг эрт илрүүлэх зарчмаар коронавирустэй тэмцэж, наймдугаар сараас хэвийн амьдралдаа эргэн ороод байсан ч тийнхүү халдвар дахин дэгдсэн юм.
Эх сурвалж: The Hill
Яаж ч бодсон хөл хориод устгачихаж боодог вирус байвал тогтоогоод байхаас өөр яая гэхэв дээ