Сэтгэл зүйчийн анхааруулж байгаагаар утастайгаа хэт их нөхөрлөх нь попкорн тархины хам шинж үүсгэх эрсдэлтэй гэжээ.
Тийм ээ, та зөв уншсан, “попкорн тархи”. Энэ нь яадаг хам шинж вэ гэвэл хүмүүсийн анхаарал суларч, эрдэнэ шишийн үрийг халааж попкорн хийх шиг янз бүрийн зүйлс рүү үсчихийг хэлдэг гэнэ.
Орчин цагт хүмүүсийн ухаалаг утасны хэрэглээ үлэмж нэмэгдсэнээр анхаарал төвлөрөлт их хэмжээгээр сулрах болсон. Улмаар дийлэнх олны хүрээнд нэг зүйлдээ урт хугацаагаар анхаарах нь тун бэрх болсон билээ. Тэгвэл клиник сэтгэл зүйч, доктор Даниэл Глэйзерийн хэлснээр энэхүү хам шинжээс сэргийлэх боломжтой байгаа үед нь сэргийлэхгүй болбоос хүний анхаарал нэг зүйлд хэдхэн минутаас урт хугацаанд тогтохоо болино гэсэн байна.
Түүний зөвлөж байгаагаар попкорн тархины хам шинжээс сэргийлэх хамгийн найдвартай арга нь өдөрт тодорхой хугацааг ямар ч ухаалаг төхөөрөмжгүйгээр өнгөрүүлж сурах гэжээ. Эл хугацаанд хүн ном унших, дасгал хөдөлгөөн, нэн ялангуяа бясалгал хийж, анхаарлаа нэн зүйлд урт хугацаагаар тогтоон төвлөрүүлэхэд дасгах хэрэгтэй бөгөөд ингэснээр попкорн тархины хам шинжээс сэргийлж чадна гэсэн байна. Хэрэв дээрх аргыг гүйцэлдүүлэхэд хүндрэлтэй байвал та таны цагийг чимээгүй хороож байдаг аппликейшнүүдийг тодорхой хугацаанд устгаад эргүүлэн татаж ч болно гэжээ.
Эх сурвалж: UNILAD
Тамхи бол үхлийн хор
Тамхи татснаар уушги
Бохиортоно татхыг хориоглоно