ДЭМБ-ын ерөнхий захирлын хэлж байгаагаар Африк тивд вакцин хүртээмжгүй байхад зарим улс оронд гурав дахь тунгийн асуудал яригдаж байгаа нь ёс суртахуунгүй хэрэг хэмээжээ.
Тедрос Адханом Гебриесусийн мягмар гарагт хийсэн мэдэгдэлд тэрээр, “Гуравдагч тун хийх орнууд олширч байгаа нь ёс суртахуунгүй, шударга бус хэрэг. Энэ бүхнийг даруй зогсоох хэрэгтэй.
Улс орнууд бид цар тахлын эсрэг нэг бүхэл болон тэмцэж байгаагийн хувьд одоогоор гурав дахь тунгийн асуудал нь бидэнд тохиож болох хамгийн муу хэрэг. Бид бүхэл бүтэн нэг тивийг үл ойшоож, цар тахлыг зогсооно гэж үгүй” гэсэн юм.
ДЭМБ-ын зүгээс эмзэг бүлгийн буюу ахмад настан, эрүүл мэндийн асуудалтай иргэдэд гурав дахь тунг хийхийг зөвшөөрсөн ч нийтээр нь гурав дахь тунд хамруулахыг дэмжихгүйгээ илэрхийлсэн байна.
Африк тивийн хувьд нийт хүн амынх нь ердөө 7 хувь нь л вакцины нэгдүгээр тундаа хамрагдсан байгаа ажээ.
Эх сурвалж: CNN