Москва хотын засаг дарга Андрей Воробоев мягмар гарагт мэдээлснээр коронавирусээр халдварласан 500 гаруй хүн уушгины аппаратын тусламжтай эмчлүүлж байгаа ажээ.
Түүний хэлснээр, “Нийтийн эрүүл мэндийн систем бүрэн хүчин чадлаараа ажиллаж байна. Одоогоор 10000 орчим хүн эмнэлэгт хэвтэн эмчлүүлж байгаа юм. Тэдний 80 хувь нь вакциндаа хамрагдаагүй хүмүүс.
Бидний харж байгаагаар вирус ихээхэн хувьсаж, тархалтын хугацаа богиносож байна. Уушгины ажиллагаа нь хүнд нөхцөлд байгаа өвчтөнүүдээс 502 хүн уушгины аппаратын тусламжтай эмчлүүлж байна” хэмээжээ.
Түүнчлэн ойрын өдрүүдэд вакцинд хамрагдах хүмүүсийн тоо хоёр дахин өссөн гэнэ. Өмнө нь өдөрт дээд тал нь 4000-5000 хүн вакцин хийлгэж байсан бол ойрын өдрүүдэд 10 мянгад хүрчээ.
Эх сурвалж: ТАСС