Франс Пресс агентлагийн орон нутгийн цагаар 24-ний өдөр мэдээлснээр, Шведийн эрх баригч Социал демократ намын дарга Магдалена Андерссоныг тус улсын шинэ ерөнхий сайдаар сонгогдсон тухай онцолжээ. Ингэснээр Шведийн түүхэнд анх удаа эмэгтэй Ерөнхий сайд сонгогдож буй нь энэ юм.

Зүүн төвийн Социал демократ намын гишүүн, цөөнхийн эвслийн Засгийн газрыг тэргүүлж байсан Ерөнхий сайд асан Стефан Лёфвен 10-ны өдөр огцорсны дараа шинэ ерөнхий сайд ийнхүү сонгогдсон юм.

Шведийн парламент өнөөдөр болсон санал хураалтаар Андерссоныг шинэ Ерөнхий сайдаар сонгосон байна. Тэрээр 26-ны өдөр албан ёсоор ажлаа хүлээн авч, Ногоон намтай хамтран цөөнхийн засгийн газар байгуулах төлөвтэй байна.

Одоогийн Сангийн сайд, 54 настай Андерссон нь эдийн засагч мэргэжилтэй ба залуудаа усанд сэлэлтийн тамирчин байсан аж.

Харин өдгөө 64 настай Ерөнхий сайд асан Лёфвен нь 2014 оноос хойш Ерөнхий сайдын үүрэгт ажлыг хашиж байгаад өнгөрсөн 6-р сард тус улсын парламентаас огцруулсан хэдий ч долдугаар сард дахин Ерөнхий сайдаар томилогдон ажиллаж байсан юм.

Эх сурвалж: YTN