Лхагва гарагт АНУ-ын Төв командлал буюу Центкомоос мэдэгдсэнээр тэд өнгөрөгч онд Иранаас хураасан 1.1 сая сумыг Украин улс руу илгээсэн гэжээ.
АНУ-ын Төв командлал буюу Центкомын хувьд Ойрхи Дорнод дахь цэргийн үйл ажиллагааг хянаж байдаг бөгөөд тэдний хэлснээр төдий тооны сумыг өнгөрөгч оны арванхоёрдугаар сард Йемен улсыг зорьж байсан хөлөг онгоцноос хураасан гэсэн юм.
Центкомоос мэдэгдсэнээр тэд сумнуудыг өнгөрөгч даваа гарагт Украин улсад шилжүүлсэн гэнэ. Харин сумны төрлийн тухайд тэдний өгүүлснээр ЗХУ-ын үеийн винтов болон хөнгөн пулемётод ашигладаг 7.62мм калибрын сум байжээ.
Үйл явдлын хүрээнд BBC сувгаас тайлбарласнаар, ийн шийдвэрлэх болсон шалтгаан нь сүүлийн үед Украины холбоотнууд тус улсын сумны хэрэглээг гүйцэхээр хэмжээний их сум үйлдвэрлэхэд ихээхэн хүндрэлтэй тулж байгаагаа илэрхийлсэнтэй холбоотой гэсэн байна.
Эх сурвалж: BBC