Фэйсбүүк, Инстаграм зэрэг платформын толгой компани болох Мета АНУ дахь ажилчдынхаа оффис цуглах товыг хойшлуулжээ. Улмаар Мета компанийн ажилчид ирэх гуравдугаар сарын 28-ны өдрөөс оффистоо цуглан ажиллах болсон бөгөөд оффист ирж ажиллах ажилчид вакцины гуравдугаар тунд хамрагдсан байх ёстой гэнэ.
Харин оффис цуглах товыг юуны учир дахин хойшлуулж байгаа тухай лавлахад, Мета компанийн хүний нөөцийн ажилтан Жанелле Гэйл, “Товыг хойшлуулснаар ажилчид цаашид зайнаас ажиллах уу, гэрээс ажиллах уу гэдгээ сайтар бодох боломжийг олгож байгаа хэрэг.
Коронавирусийн тархалт намжаагүй байгаа энэ үед бид ажилчдаа хаанаас ажиллахаа шийдэх сонголттой байлгахыг хүссэн. Бидний хувьдаа нөхцөл байдал ойлгомжгүй байгаагаас үүдэн хүмүүс хаанаас ажиллахаа шийдэхэд хүндрэлтэй байгааг ойлгож байгаа” хэмээжээ.
Тийнхүү ажилчид эцсийн шийдвэрээ гуравдугаар сарын 14-ний өдрийн дотор мэдэгдэх юм.
Эх сурвалж: CNN