Украины хямралаас үүдэн Европ дахь байгалийн хийн үнэ нэгдүгээр сарын сүүлээс хойш анх удаа 1000 куб метр нь 1000 ам.доллар болж өсжээ. Улмаар байгалийн хийн үнэ нийт 13.7 хувиар өссөн байна.
Нидерланд улсын байгалийн хий худалдаалагч TTF гэх газраас таамаглаж байгаагаар байгалийн хийн үнэ ирэх гуравдугаар сард 1000 куб метр нь 1031.8 ам.долларт хүрч, хэрэглэгчид 1 мегаватт эрчим хүчийг 88 еврогоор худалдан авч ашиглах гэнэ.
Олон улсын зүгээс ОХУ Украиныг хэзээ мөдгүй эзлэх нь гэсэн болгоомжлолтой байгаагаас үүдэн өөрийн улсын иргэдээ Украины нутаг дэвсгэрээс даруй гарахыг зөвлөөд байгаа юм. Тийнхүү нөхцөл байдал улам л хурцдаж байгаа тул байгалийн хийн үнэ ч хөөрөгдөж, ОХУ-аас Украин руу нийлүүлэх байгалийн хийн хэмжээ улам буурах болжээ.
Эх сурвалж: ТАСС