Даваа гарагт Япон улсын Сангийн яамнаас мэдэгдсэнээр, тус улсын Оросын алтны импортод тавьсан хориг ирэх сарын нэгнээс хүчин төгөлдөр хэрэгжинэ гэжээ.
Тэдний зүгээс энэ удаагийн багц хоригийг долоодугаар сарын тавны өдөр баталж, тухайн сарынхаа дундуур танилцуулсан бөгөөд хоригийн хэрэгжилт ирэх сараас эхлэх гэнэ.
Улмаар шинэ багц хоригийн хүрээнд Япон улс наймдугаар сарын нэгнээс эхлэн ОХУ-аас алт худалдан авахгүй, есдүгээр сарын нэгнээс эхлэн ОХУ-д нягтлан бодох бүртгэл, аудит, зөвлөх, итгэлцлийн үйлчилгээ үзүүлэхгүй ажээ.
Үйл явдлын хүрээнд ОХУ-ын Токио хотод суугаа элчин сайд нэгэн мэдэгдэл хийсэн нь "Япон улс Оросын эсрэг хориг тавьснаар өөрсдийн эдийн засгийг хохироож байна" гэсэн юм. Түүний анхааруулснаар Москвагийн талаас тэдний үйлдэл нэг бүрийг анхааралдаа авч, хариуцлага тооцно гэжээ.
Эх сурвалж: ТАСС
Сая галт уул нь дэлбэрсэн удахгүй газар нь хөдөлж цунами нь болно байх.Хүн хорлох яахав.үйлийн үр гэж нэг юм байдаг юм.
Америк даа атомын бөмбөгөөр бөмбөгдүүлсэн нь баглаад . Одоо цөмийн бөмбөгөөр бөмбөгдүүлэх нь ёрийн самурай