АНУ-д инфляцын өсөлт намжсан ч инфляцаас үүдэлтэй дарамт одоо ч үргэлжилж буй энэ цаг үед ипотекийн зээлийн хүү 7.31 хувьд хүрч өсжээ. Энэ нь тус улсын ипотекийн зээлийн хүүгийн хувьд сүүлийн 23 жилийн хугацаанд үзэгдээгүй өндөр үзүүлэлт юм. Гэвч ипотекийн зээлийн хүү өсөж байгаа энэ үед тус улсад үл хөдлөх хөрөнгийн үнэ ч өсөж байгаа билээ.

Үйл явдлын хүрээнд эдийн засагчдын мэдээлж байгаагаар яг нэг жилийн өмнө энэ үзүүлэлт 6.70 хувьтай байсан гэсэн юм. Улмаар ипотекийн зээлийн хүү өсөж, үл хөдлөх хөрөнгийн үнэ ч нэмэгдэж байгаагаас үүдэн тус улс дахь үл хөдлөх хөрөнгийн борлуулагчид болон худалдан авагчид нөхцөл байдал дээрдэхийг хүлээх болсон гэнэ.

АНУ дахь инфляцын хувьд өнгөрөгч оны зургаадугаар сард 9.1 хувьд хүрч, сүүлийн 40 гаруй жилийн хугацаанд бүртгэгдээгүй өндөр үзүүлэлтэд хүрснээр ХНС инфляцтай эрчимтэй тэмцэж, зохих арга хэмжээнүүдийг шат дараатай авч хэрэгжүүлсний дүнд өдгөө инфляц 4.2 хувьтай байгаа юм. Гэсэн хэдий ч энэ нь ХНС-ийн зорилтот түвшнээс даруй 2.2 хувиар илүү байгаа билээ. Эдийн засагчдын тооцож байгаагаар энэ сарын тайлан дүгнэвэл инфляц 3.9 хувьд хүрч буурна гэжээ.

Эх сурвалж: CNN