ОХУ Украинд халдан түрэмгийлсний улмаас зогсоод байсан Хар тэнгисийн үр тариан экспортын зам эргэн сэргэж үр тариа ачсан анхны ачааны хөлөг онгоц эцсийн зогсоол болох Ливанд ирсэн боловч тус улс руу нэвтэрч чадсангүй.
Ройтерс агентлагийн орон нутгийн цагаар 8-ны өдөр мэдээлснээр, Ливан дахь Украины элчин сайдын яамны зүгээс тус улсын эрдэнэ шиш ачсан "Разони" хөлөг онгоцыг Ливан худалдан авагч хүлээн авахаас татгалзсан тухай фэйсбүүк хуудсаараа дамжуулан мэдэгджээ.
“Разони” хөлөг онгоц нь 26527 тонн эрдэнэ шиш ачин өнгөрөгч 1-ний өдөр Украины Одесса хотоос хөдөлсөн ба 7-ны өдөр Ливаны Триполи хотод ирэх ёстой байв.
Түүнчлэн тус хөлгийг өнгөрөгч 3-ны өдөр Туркийн Истанбул хотод үзлэгт хамруулсны дараа эцсийн цэг болох Ливан руу хөдөлгөсөн байна. Гэсэн хэдий ч Ливаны худалдан авагч гэрээнд заасан хугацаанаасаа 5 сар гаруй хоцорсон гэх шалтгаанаар хүлээж авахаас татгалзжээ.
Ингэснээр тус хөлгийнхөн чиглэлээ эргүүлэн ачиж яваа үр тариагаа буулгах боломжтой өөр улс эсвэл боомтын эрэлд гараад байгаа аж. Улмаар тус хөлөг онгоц Туркийн Мерсин боомтыг чиглэн явсан бөгөөд одоо Туркийн өмнөд эрэгт бэхлэгдсэн байдалтай байгаа гэж Ройтерс мэдээлэв.
Өмнө нь Ливан дахь Украины Элчин сайдын яам хөлөг онгоц ирэх хугацаа хойшилсон гэж мэдэгдсэн ба энэ талаар ямар нэгэн тодорхой шалтгаан хэлээгүй байсан юм.
ОХУ Украинд халдан түрэмгийлсний улмаас гацаад байсан Хар тэнгисийн экспорт өнгөрсөн сарын 22-ны өдөр дэлхийн хүнсний хомсдолд санаа чилээж асан НҮБ болон Туркийн зуучлалаар тохиролцоонд хүрч дөрвөн талт хэлэлцээрт гарын үсэг зурснаар таван сар гаруйн дараа ийнхүү дахин сэргээд байгаа билээ.
Туркийн Батлан хамгаалах яамны мэдээлснээр, өнгөрөгч 1-ний өдөр Одесса боомтоос хөдөлсөн "Разони" хөлөг онгоцноос гадна 243 мянган тонн орчим эрдэнэ шиш ачсан нийт 7 хөлөг онгоц Украинаас хөдөлсөн талаар цохон тэмдэглэв.
Эх сурвалж: JoongAng
Зөв. Зеленскийн фашист дэглэмийг санхүүжүүлэхээс Арабын ертөнц татгалзаж бна. Европчууд нь авахын бгааз
Тэгвэл фашист орсуудтайгаа цуг өлбөрч үхэх болж дээ ха ха ха
Zangia gj bas neg uzel surtaldaa barigdsan, lalariin gazar bh shig bn aa. Iimerhuu ymnaas hol bai. Duugsail zaraa oruul
Ливаны Трипол ч биш бхаа.кккк
ливаны нийслэл Бейрут шүү
Ливийн нийслэл Триполи бас Ливан улсад ийм нэртэй хот байдаг шүү.Газрын зурагнаас хараарай.
Sonin livanuud ve. Ym oilgodgui.
Ливийн нийслэлийг триполи гэдэгшдээ libya ливи улс
Цаг хугацаа наймаанд их нөлөөлдөг . Одоо загасанд өг