Лхагва гарагт олон улсын зах зээлд газрын тосны үнэ буурчээ.
Энэ долоо хоногт газрын тосны хамгийн том нийлүүлэгчдийн нэг болох Саудын Араб болон ОХУ нийлүүлэлтээ танах болсноо мэдэгдсэн ч тэдний шийдвэр газрын тосны үнэд тийм ч их нөлөөлсөнгүй. Ройтерс агентлагаас мэдээлснээр лхагва гарагийн өглөөний 09:13 минутад Брент Крюдын нэг баррель газрын тосны үнэ өмнөх өдрөөс 64 центээр буюу 0.8 хувиар буурч, 75.61 ам.долларт хүрсэн байна.
Улмаар Брент Крюдын газрын тосны үнэ одоо ч бууж байгаа бөгөөд энэхүү мэдээг бэлтгэх үед нэг баррель газрын тос 75.08 ам.долларын үнэ хүрч байгаа юм.
Харин Уэст Техас Интермедиатын газрын тос нэг баррель нь 70.71 ам.долларын үнэтэй байна.
Эх сурвалж: The Reuters