Тайванийн Төв мэдээллийн агентлаг зэрэг орон нутгийн хэвлэл мэдээллийн агентлагуудын 12-ны өдөр мэдээлснээр, Тайванийн эрх баригчид АНУ-аас 2 тэрбум 520 сая Тайвань долларын (83 сая ам.доллар) үнэ бүхий Patriot пуужингийн систем худалдан авах гэрээ байгуулсан тухай онцолсон байна.
Тус мэдээнд дурдаснаар Тайванийн АНУ дахь цэргийн төлөөлөгчдийн холбоо болон Тайвань дахь Америкийн холбооны (AIT) өнгөрсөн сард байгуулсан гэрээний хүрээнд 2026 оны арванхоёрдугаар сар хүртэлх дөрвөн жил зургаан сарын хугацаанд Тайваньд пуужингийн довтолгооноос хамгаалах Америкийн Patriot системийг нийлүүлэхээр тусгажээ.
Тайванийн Батлан хамгаалах яамны зүгээс мэдэгдсэнээр "Одоо ашиглаж буй Patriot 2 (PAC2) газар-агаар ангиллын пуужинг хамгийн сүүлийн үеийн Patriot 3 (PAC3) систем болгон сайжруулж, агаарын довтолгооноос хамгаалах хүчийг нэмэгдүүлнэ" хэмээн цохон тэмдэглэв.
АНУ-ын Батлан хамгаалах яамны Батлан хамгаалахын аюулгүй байдлын хамтын ажиллагааны агентлагийн зүгээс өнгөрсөн дөрөвдүгээр сард АНУ-ын Төрийн департамент 95 сая ам.долларын үнэ бүхий агаарын довтолгооноос хамгаалах Patriot системийг Тайваньд худалдахыг зөвшөөрсөн хэмээн мэдэгдэж байсан билээ.
АНУ-ын Төлөөлөгчдийн танхимын дарга Нэнси Пелоси Тайваньд айлчлал хийж буйг эсэргүүцсэн Хятад улс энэ сарын 4-7-ны өдрийн хооронд Тайваньд дарамт үзүүлэх зорилгоор цэргийн сургуулилт хийх зэргээр зэвсэгт эсэргүүцлээ үргэлжлүүлсээр байгаа билээ.
Тайвань ч мөн адил ирэх оны батлан хамгаалахын төсвөө энэ жилийнхтэй харьцуулахад 4.09 хувиар нэмэгдүүлж, 382.6 тэрбум Тайвань долларт хүргэхээр шийдсэн нь түүхэн дээд хэмжээ болж буй юм.
Эх сурвалж: Yonhap
Алуурчин бодлоготой Америк юм даа . Одоо Ази тивийг буснуйлахандээ
Хогийн худалч хутгуурчин, харчин улс бол АНУ мөн. Бүр адгийн хар санаа ан.Юу Хятад.7 дор.
Yu ve Taipei dain hiih geed bgaanmuu aluulna shde only peace shde
Айлчлал үр дүнгээ өглөө. Тогтворгүй байдал үүсгэж зэвсгээ зарна гэдэг чинь амжилт юм.
Ер нь Америкийн зорилго бол Хятад Тайвань хоёрыг байлдуулж Тайваний микро чипний үйлдвэрлэлийг зогсоох байсан юм. Тайвань энэ салбарт дэлхийд тэргүүлдэг. Америк өөрсдийн микро чипний үйлдвэрлэлийг өргөжүүлж дэлхийд тэргүүлэхийн тулд ийм алхам хийсэн. Тайваны асуудлын дараа Байден микро чипний үйлдвэрлэлийг дэмжих зорилгоор хууль гаргаж олон арван тэрбум долларын санхүүжилт өгөхөөр болсон.