Шоколадны гол түүхий эд болох какаоны үнэ сүүлийн 46 жилд байгаагүйгээр өссөн тухай Ройтерс агентлаг мэдээлжээ.
Тус мэдээнд дурдсанаар орон нутгийн цагаар 28-ны өдөр Английн Лондон хотын ICE фьючерс бирж дээр ирэх 9-р сард нийлүүлэх какао тонн нь 2590 фунт стерлинг болсон нь 1977 онд 2594 фунт стерлингэд хүрч байснаас хойших хамгийн өндөр өсөлт болоод буй талаар онцлон тэмдэглэв.
Какаоны үнэ ийнхүү өсөх болсон шалтгаан нь Кот-д'Ивуар болон Гана улсад үйлдвэрлэсэн какао шошны нийлүүлэлт багасах вий гэх санаа зовнил олон улсын зах зээлд үүссэнтэй холбоотой юм. Тухайлбал Кот-д'Ивуар улсын боомтуудаас олон улсын зах зээлд нийлүүлэгдэх экспортын какаоны хэмжээ энэ улиралд бараг 5 хувиар буураад байгаа аж.
Эх сурвалж: MBC