Даваа гарагт ӨМӨЗО-ы бүсийн худалдааны хэлтсээс мэдээлснээр 2022 оны эхний долоон сарын хугацаанд Өвөр Монголын гадаад худалдаа 81.3 тэрбум юаньд хүрчээ. Энэ нь өнгөрөгч оны мөн үетэй харьцуулахад даруй 19.8 хувиар өссөн үзүүлэлт юм.
Дээрх хугацаанд Хятадын хойд бүсийн импортын хэмжээ 46.6 тэрбум юаньд хүрсэн бол экспорт нь 34.6 тэрбум юаньд хүрсэн байна. Үүнийг 2021 оны тоон баримттай харьцуулбал, импорт 10.9 хувь, экспорт 34.4 хувиар тус тус өсжээ.
Экспортын хэмжээ тийн өсөхөд нөлөөлсөн гол бараа бүтээгдэхүүн нь механик болон цахилгаан, технологийн дэвшилтэт бүтээгдэхүүнүүд гэнэ.
Тийнхүү бүсийн гадаад худалдааны хэмжээ эрчимтэй өсөхтэй зэрэгцэн Өвөр Монгол, Монгол улсын хоорондын гадаад худалдааны хэмжээ ч 24.1 хувиар өсөж, 21.5 тэрбум юаньд хүрчээ.
Эх сурвалж: Xinhua