Энэ зун Хятадын төв болон өмнөд хэсэгт нүүрлэсэн хэт халалтын улмаас үүссэн ган гачигт 37.85 сая хүн нэрвэгдээд байна.

Хятадын Онцгой байдлын газрын орлогч дарга Жөү Шювэнь орон нутгийн цагаар 30-ны өдөр зорион байгуулсан хэвлэлийн бага хурал дээр хэлэхдээ, ган гачигт 37 сая 850 мянган хүн нэрвэгдэж, 4 сая 280 мянган хүнд яаралтай тусламж шаардлагатай байгаа талаар онцолжээ.

Тэрээр нэмж хэлэхдээ, хохиролд өртсөн тариалангийн талбайн хэмжээ 4 сая 45 мянган гад хүрсэн бол эдийн засгийн хохирол нь дангаараа 31 тэрбум 500 сая юань болсон тухай дурдав.

Хөх мөрний сав газарт өнгөрөгч 7-р сараас хойших өндөр температуртай өдрийн дундаж тоо 32.5 хоног байсан нь 1961 оны ажиглалтаас хойших хамгийн өндөр үзүүлэлт байсан бол дундаж хур тунадас 160.3 мм байсан нь олон жилийн дунджийн ердөө тал хувьтай тэнцэж буй юм.

Эх сурвалж: MBC