Дэлхийн зах зээлд зэсийн ханш унасаар байна. Ханшийн уналт үргэлжилсээр өнөөдрийн үнээс нэмж 11 хувиар буурна хэмээн Fairlead Strategies зах зээлийн шинжилгээний байгууллага мэдээллээ. Зэсийн үнэлгээ ийнхүү суларч байгаа нь инфляцыг бууруулах сайн талтай боловч эдийн засагт үзүүлэх сөрөг нөлөө их юм.

Зэсийн ханшийг эдийн засгийг тодорхойлогч тэргүүлэх үзүүлэлт гэж үздэг. Улмаар эдийн засаг хэр эрүүл байгааг илэрхийлдэг “барометр” гэх нь бий. Учир нь зэс зах зээлийн ихэнх бараанд тодорхой хэмжээгээр агуулагддаг бөгөөд эдийн засаг сэргэх үед зэсийн эрэлт нэмэгдэж улмаар ханш нь өсдөг билээ.

Гуравдугаар сарын эхэн үед нэг паунд нь 5 ам.доллар байсан зэсийн ханш өдгөө 30 орчим хувиар унаж 3.41 ам.доллар болоод байна. Цаашид дахин 11 хувиар буурах аж. Ийм том хэмжээний ханшийн сулрал ихэвчлэн эдийн засгийн уналттай холбоотой байдаг юм. Гэвч энэ удаад эдийн засгийн огцом удаашралыг илтгэхгүй. Харин тогтмол дунд зэргийн удаашралыг илэрхийлж байгаа юм. Ханш өссөн тохиолдолд эдийн засаг сэргэх шинж гэж үзэж болно. Гэвч буурах шинж тод байгаа тул хөрөнгө оруулагчид зэсийн ханшийн савлагаанд бэлэн байхыг анхааруулж байна.

Эх сурвалж: Market Insider