Хүүхдийн хувийн мэдээлэл, тэр дундаа утасны дугаар, цахим шуудангийн хаягийг олон нийтэд нээлттэй болгосон тухай удаан үргэлжилсэн маргаан торгуулиар эцэслэж магадгүй байна.
Ирланд улсын Мэдээлэл хамгаалах газрын комиссар "Бид өнгөрсөн Баасан гаригт эцсийн шийдвэрээ гаргасан бөгөөд 349 сая фунт стерлинг буюу 405 сая еврогийн торгууль ногдуулахаар шийдлээ" гэв.
Харин Instagram-ийн толгой компани Meta уг шийдвэрийг эсэргүүцэн давж заалдахаар төлөвлөж буйгаа мэдэгдлээ. Энэ нь төрийн байгууллагаас Meta-д оноож буй гурав дахь торгууль юм. Компанийн зүгээс “Биднийг торгох болсон асуудал нь манай аппликейшны хуучин функц дээр үндэслэсэн. Гэтэл бид нэг жил гаруйн өмнөөс хэд хэдэн удаа сайжруулан шинэчилсэн бөгөөд өсвөр үеийнхнийг болон тэдний хувийн мэдээллийг хамгаалах олон сонголт нэмэгдсэн байгаа” хэмээн өөрсдийгөө зөвтгөж байна.
Ирландын Мэдээлэл хамгаалах газар буюу DPC нь тус улсын технологийн компаниудыг хянадаг төрийн байгууллага юм. DPC өнгөрсөн онд WhatsApp-ийг225 сая еврогоор, Amzmon-ийг 746 сая еврогоор хэрэглэгчийн хувийн мэдээллийн журам зөрчсөн хэмээн торгож байсан юм.
Эх сурвалж: BBC