Баасан гарагт Умард Солонгосын KCNA мэдээллийн агентлагаас мэдээлснээр БНАСАУ өөрийгөө “цөмийн зэвсэгт улс” хэмээн тунхаглах хуулийг баталжээ.
Тус улсын удирдагч Ким Жон Уны тодорхойлсноор энэхүү шийдвэр нь эргэшгүй бөгөөд түүний зүгээс цөмийн зэвсгээс ангижрах талаар ямар нэг яриа хэлэлцээр хийхгүй гэдгээ мэдэгдсэн байна. Улмаар хуулийн хүрээнд тэд өөрсдийгөө хамгаалахын тулд урьдчилан сэргийлэх хэлбэрээр цөмийн зэвсэг галлах эрхтэй болж байгаа юм.
Хөндлөнгийн ажиглагч нарын дүгнэж байгаагаар Умард Солонгос улс энэхүү хуулийг баталснаар 2017 онд зогсоод байсан цөмийн зэвсгийн туршилтаа үргэлжлүүлэх гэж байж болзошгүй гэнэ.
KCNA агентлагаас мэдээлснээр энэхүү хууль нь цөмийн зэвсгийн хэрэглээг илүү хариуцлагатай болгох бөгөөд цөмийн зэвсэг, технологийг бусад оронтой хуваалцахыг хориглодог ажээ. Мөн хуулийн зорилго нь цөмийн зэвсгийг буруугаар ашиглах, цөмийн зэвсэгт орнууд ямар нэг буруу тооцоолол хийхээс урьдчилан сэргийлнэ гэжээ.
Эх сурвалж: The Reuters