Армени-Азербайжаны хил дээр нөхцөл байдал хурцадсанаар Арменийн ерөнхий сайд Никол Пашинян ОХУ-ын ерөнхийлөгч Владимир Путинтэй утсаар холбогджээ. Улмаар утасны дуудлагын хүрээнд талууд хил дээрх хурцадмал байдлын тухай хэлэлцсэн байна.
Арменийн сайд нарын зөвлөлийн хэвлэлийн албанаас мэдээлснээр, “Ерөнхий сайдын зүгээс Азербайжаны Зэвсэгт хүчин Арменийн бүрэн эрхт нутаг дэвсгэрийг чиглүүлэн өдөөн хатгалга бүхий түрэмгийлэл үйлдэж байгаа тухай дэлгэрэнгүй мэдээлэл өгсөн.
Түрэмгийлэл шөнө дунд эхэлсэн бөгөөд Азербайжаны талаас их буу, том хэмжээний калибр буугаар зэвсэглэсэн байсан.
Ерөнхий сайдын зүгээс Азербайжаны үйлдлийг хүлээн зөвшөөрч боломгүй хэрэг гэж үзэж байгаа бөгөөд олон улсын хамтын нийгэмлэгээс зохих ёсны арга хэмжээг авах нь зүйтэй гэж үзэж байгаагаа илэрхийлсэн” гэжээ.
Тийнхүү үйл явдлын хүрээнд талууд шуурхай холбоотой байхаар тохиролцсон гэнэ.
Эх сурвалж: ТАСС
Армен гэж бас нэг Монгол шиг өрөвдмөөр улс нэг байнаа. Байнга хөршүүддээ дээрэлхүүлнэ
Жижигхэнээ мэдэхгүй 3дагч хөрш, баруун гэж их солиорсон монголтой яг адилхан авилга нь өндөр хөгжсөн