Өнгөрөгч 8-р сард Хятадын ард иргэдийн худалдан авах чадвар хийгээд үйлдвэрлэл, хөрөнгө оруулалтын үзүүлэлтүүд зах зээлийн таамаглаж байснаас илт сайжирсан байна.

Өнгөрөгч 7-р сард бууралттай байсан бодит эдийн засгийн үзүүлэлтүүд 8-р сард хурдацтай сэргэсэнтэй холбогдуулан Хятадын эдийн засаг хамгийн хүнд үеэ давж гарлаа гэх таамгийг дэвшүүлжээ. Хятадын Үндэсний статистикийн газрын 16-ны өдөр мэдээлснээр, Хятадын жижиглэнгийн худалдааны хэмжээ 8-р сард өнгөрсөн оны мөн үеийнхээс 5.4 хувиар өссөн байна. Мөн өмнөх сарын (2.7%) болон зах зээлийн хүлээлтээс (3.5%) мэдэгдэхүйц өндөр үзүүлэлтийг үзүүлсэн юм.

Хятадын дотоодын эдийн засгийн хэмжүүр болох жижиглэнгийн худалдааны хэмжээ өнгөрсөн 4-р сард Шанхай зэрэг томоохон хотуудад хэрэгжүүлсэн хөл хорионы улмаас -11.1 хувь хүртэл буурсан боловч аажмаар сэргэж байгаад 7-р сард өмнөх сараас дахин буурсан байна. Гэсэн хэдий ч 8-р сард жижиглэнгийн борлуулалтын өсөлт нэмэгдэж байгаагаас харахад тус улсын ард иргэдийн худалдан авах чадвар нэмэгдэж байна гэж дүгнэж болох юм. Корпорацийн үйлдвэрлэлийн үйл ажиллагаа сэргэх хандлага ч илт харагдаж байна. Өнгөрөгч 8-р сард экспортын хэмжээ буурсан зэрэг таагүй нөхцөл байдлыг үл харгалзан Хятадын аж үйлдвэрлэл 4.2 хувиар өсч, таамаглаж байсан 3.8 хувиас давжээ.

“Өнгөрсөн сард хэрэглэгчдийн худалдан авах чадвар болон аж үйлдвэрлэлийн хэмжээ нэмэгдсэн нь сүүлийн саруудад үл хөдлөх хөрөнгийн уналт, цар тахлын дүрэм журам, хэт халалт, импорт экспортын бууралт зэрэгт олон таагүй үйл явдлууд давхцсан Хятадын эдийн засаг сэргэх тийшээ хандаж буйн дохио болж буй бололтой” гэж Ройтерс агентлаг мэдээллээ.

Эх сурвалж: Maeil