АНУ-ын засгийн газар хагас дамжуулагч үйлдвэрлэгч Intel компанид 4 тэрбум ам.долларын хөрөнгө оруулалт хийж батлан хамгаалах, цэрэг армийн зориулалт бүхий хагас дамжуулагч үйлдвэрлэх төлөвлөгөөтэй байгааг Wall Street Journal сонин мэдээлжээ.
Хэд хэдэн эх сурвалжийн мэдээлснээр, АНУ-ын засгийн газар “Хагас дамжуулагчийг дэмжих тухай хууль”-д төсөвлөсөн 53 тэрбум ам.долларын тодорхой хэсгийг батлан хамгаалах, цэрэг армийн зориулалт бүхий хагас дамжуулагч үйлдвэрлэх байгууламж барихад зарцуулахаар төлөвлөж буй талаар онцлов.
Тодруулбал, Аризона дахь Intel компанийн үйлдвэрлэлийн цогцолборт 3-4 тэрбум ам.долларын өртөгтэй цэрэг, армийн зориулалт бүхий хагас дамжуулагч үйлдвэрлэх байгууламжийг барихаар төлөвлөж байгаа аж.
АНУ нь энэхүү хөрөнгө оруулалтаар дамжуулан Хятадтай хийж буй худалдааны дайнд хялбар өртөх магадлалтай Тайванийн хагас дамжуулагчаас хараат байдлаа бууруулах зорилго өвөртөлж байна хэмээн Wall Street Journal сонин цохон тэмдэглэсэн байна.
Эх сурвалж: MBC