Лхагва гарагт ОХУ-ын шадар сайд Александер Новакын мэдэгдсэнээр ОПЕК+ буюу Газрын тос Экспортлогч Орнуудын Байгууллагын гишүүн орнууд 2024 оныг дуустал өдөрт олборлох газрын тосны хэмжээгээ дахин бууруулна гэжээ. Улмаар тэд 2024 оны эхний улиралд л гэхэд газрын тосны олборлолтоо өдөрт 2.2 сая баррелиар дахин бууруулахаар төлөвлөсөн байна.

Түүний хэлснээр, “Сануулга болгон хэлэхэд, манай гэрээ 2024 оны сүүлээр дуусгавар болно. Тиймээс бидний дөрөвдүгээр сард баталсан, өдөрт олборлох газрын тосны хэмжээгээ 1.66 сая баррелиар бууруулах шийдвэр 2024 оныг дуустал хүчин төгөлдөр байх юм. Үүнээс гадна бид олон улсын зах зээлийг тэнцвэржүүлэхээр угтаж буй өвлийн улиралд олборлолтынхоо хэмжээг дахин бууруулахаар төлөвлөсөн.

Өнөөгийн энэ нөхцөл байдлыг авч үзвэл, бид нийлүүлэлтээ бууруулах нь зайлшгүй шаардлагатай алхам. Харин нөхцөл байдал дээрдэж, эрэлт ихэсвэл бид ч шийдвэрээ өөрчилж болно” гэжээ.

Эх сурвалж: ТАСС