Өнгөрсөн долоо хоногийн баасан гарагт Их Британи улсын засгийн газраас хувь хүнд ногдуулах орлогын албан татвар, аж ахуй нэгжид ногдуулах татварын хэмжээг тус тус бууруулах болсноо зарласан билээ.

Тэгвэл ОУВС-аас Их Британийн засгийн газрын авч буй арга хэмжээг амьжиргааны өртгийг улам нэмэгдүүлэх эрсдэлтэй алхам хэмээн шүүмжилжээ.

Тэдний анхааруулж байгаагаар татварыг танах нь тэгш бус байдлыг нэмэгдүүлж, инфляцын өсөлтөд сөргөөр нөлөөлнө гэсэн юм.

Гэвч тус улсын засгийн газрын зүгээс дээрх шийдэл нь эдийн засгийн өсөлтийг эхлүүлнэ гэж амлаж байгаа ажээ.

Үйл явдлын хүрээнд ерөнхий сайд Лиз Трассын ойрын холбоотон болох Лорд Фрост ОУВС-ын мэдэгдлийг эрс шүүмжилсэн байна. Түүний хэлснээр, “ОУВС-ийн зүгээс эдийн засгийн уламжлалт бодлогыг дэмжсээр ирсэн. Үүний улмаас л олон жилийн турш эдийн засгийн өсөлт удааширч, үр бүтээмж суларсан. Их Британи улсын хувьд урагшлах цор ганц арга зам нь татвараа бууруулж, мөнгөний зарцуулалтад хязгаарлалт тогтоож, эдийн засгийн томоохон шинэчлэлт хийх юм” гэжээ.

Эх сурвалж: BBC