Боловсрол, шинжлэх ухааны яамнаас иргэд, олон нийтийн инновацийн санаачилгыг дэмжих, нээлттэй инновацийг хөгжүүлэх зорилгоор Mon-X Инновацийн хөтөлбөрийг Монгол орон даяр хэрэгжүүлж эхлээд байна. Уг хөтөлбөр нь бүс, нийслэл, аймаг, дүүргийн хэмжээнд инновацийн соёлыг түгээн, тулгамдаж буй асуудлуудыг тодорхойлон, иргэдийн шинэлэг, инновацлаг санал санаачилгуудыг боловсруулан хөгжүүлж тэр дундаас шалгарсан шилдэг санал санаачилгыг хэрэгжүүлэхэд грант дэмжлэг үзүүлэх нээлттэй инновацийн хөтөлбөр юм. Цаашлаад шалгарсан санаачилгуудыг улс, нийслэл, орон нутгаас хэрэгжүүлэхэд дэмжлэг үзүүлж бодит ажил хэрэг болгох боломжтой. Ингэснээр тулгамдаж байгаа олон төрлийн асуудлуудыг шийдэхэд иргэд бодит оролцоо, хувь нэмрээ оруулах дэд бүтцийг бий болгож буйгаараа их онцлог хөтөлбөр юм.
Хөтөлбөр нийт 180’000’000₮-ийн шагналын сантай бөгөөд нийт хүлээн авсан санаа дундаас 4 үе шаттайгаар 9 санаачилгыг шалгаруулж тус бүрийг төсөл болгон хэрэгжүүлэхэд зориулж 20’000’000₮-ийн грант олгоно.
Хөтөлбөрт хэн хамрагдаж болох вэ?
Арга хэмжээнд улс, бүс, орон нутаг, нийслэлд тулгамдаж буй асуудлыг инновац ашиглан шийдвэрлэх санаачилгатай иргэн, баг, хуулийн этгээд хамрагдана.
Хөтөлбөрийн хүрээнд нээлттэйгээр санал хүлээн авах ба та бүхэн www.mon-x.mn сайтын баруун дээд буланд байрлах “санал илгээх” товчин дээр дарж орон бүртгүүлж санаагаа илгээх боломжтой. Санал хүлээн авалт өнөөдөр буюу 2022 оны 10 сарын 06-нд нээгдэн 2022 оны 10 сарын 20-ны 22:00 цаг хүртэл үргэлжилнэ.
Боловсрол, шинжлэх ухааны яам -ны Mon-X Инновацийн хөтөлбөр
Хэрэгжүүлэгч: Startup Mongolia
“Стартап Монгол” ТББ нь 2011 оноос хойш 9 жилийн хугацаанд Монгол Улсад гарааны бизнесийн тогтолцоо (Startup EcoSystem)-г бүрдүүлэх, Бизнес эрхлэх (Entrepreneurship) соёлыг төлөвшүүлэх, шинээр бизнесээ эхлүүлж байгаа залуучуудыг сэдэлжүүлэх, дасгалжуулах (Mentoring), Хөрөнгө оруулагчидтай холбох, тэднийг бойжуулах, инновац, өндөр технологийн салбарыг дэмжих зорилготойгоор үйл ажиллагаагаа явуулж ирсэн.
Дэлгэрэнгүй мэдээлэл:
Холбогдох дугаар: 8990-9924
Фэйсбүүк хуудас: Mon-X Инновацийн хөтөлбөр
Фэйсбүүк групп: "Mon-X Инновацийн хөтөлбөр" мэдээлэл түгээх албан ёсны групп