Даваа гарагт Parler гэх нийгмийн сүлжээний аппликэйшний толгой компани болох Parlement Technologies компаниас мэдэгдсэнээр тэд өөрсдийн хөгжүүлсэн аппликэйшнийг реппер Кание Уэстэд зарах болжээ.
Parlement Technologies компанийн зүгээс аппликэйшнээ яг хэдэн доллароор зарж байгаа тухай тодорхой мэдээлэл өгөөгүй ч энэ оны сүүлийн улиралд багтаан аппликэйшний эзэмшигчийн нэрийг шилжүүлнэ гэсэн юм.
Үйл явдлын хүрээнд Кание Уэстийн мэдэгдсэнээр, “Консерватив үзлийг зөрчилтэй гэж үздэг энэ ертөнцөд бид өөрсдийгөө чөлөөтэй илэрхийлэх эрхээ хамгаалах хэрэгтэй” хэмээжээ.
Parler аппликэйшний хувьд консерваторуудын дунд алдартай платформ юм.
Түүнийг ийм шийдвэр гаргахаас өмнө Инстаграм, Твиттерийн зүгээс түүний хаягийг хаасан нь еврейчүүдийн эсрэг үзлийг сурталчилсан гэсэн шалтгаантай байжээ.
Эх сурвалж: The Reuters