Дэлхий даяар хиймэл оюун ухааны “галзуурал” үргэлжилж байгаа энэ үед Америкийн томоохон технологийн компаниуд үүлэн технологийн дата төвүүдээ өргөжүүлэхэд ихээхэн анхаарал хандуулах болжээ.

Цахим худалдааны салбартаа дэлхийд тэргүүлэгч Аmazon компани үүлэн технологийн үйлчилгээнийхээ дэд бүтцийг сайжруулахын тулд дараагийн дөрвөн жилийн хугацаанд Японд 2 их наяд иенийн (15 тэрбум ам.доллар) хөрөнгө оруулалт хийнэ гэж мэдэгдлээ.

Amazon компани Токио, Осака хотуудад хиймэл оюун ухааны үйлчилгээний гол тулгуур болсон үүлэн технологийн дэд бүтцээ өргөжүүлэхээр төлөвлөж байгаагаа энэ үеэр тайлбарласан юм.

Тус компани нь одоогоор Asahi Group, Nomura Holdings зэрэг Японы компаниудад хиймэл оюун ухааны технологийн үйлчилгээг үзүүлж байгаа билээ.

Өмнө нь Америкийн томоохон технологийн компани Google Их Британид дата төв барихад 1 тэрбум ам.долларын хөрөнгө оруулалт хийхээр төлөвлөж байгаагаа зарласан.

Мicrosoft компани ч мөн хиймэл оюун ухааны технологийн салбараа дэжих зорилгоор дараагийн гурван жилийн хугацаанд Их Британи дахь дата төвүүдээ өргөжүүлэхэд ойролцоогоор 3 тэрбум гаруй ам.долларын хөрөнгө оруулалт хийхээр шийдээд байгаа юм.

Эх сурвалж: YTN