Цахилгаан автомашины Mini цувралаа Хятадад үйлдвэрлэнэ хэмээн мэдэгдээд удаагүй байгаа Германы BMW Group компани зарим цахилгаан автомашин болон түүний батарейн үйлдвэрийг АНУ болон Европын бусад оронд байгуулахаар шийдсэн хэмээн мэдэгдлээ.

BMW Америкийн Өмнөд Каролина муж дахь үйлдвэрээ цахилгаан автомашин үйлдвэрлэдэг болгон өргөжүүлэхэд 1 тэрбум ам.доллар харин батарей угсрах шинэ үйлдвэр байгуулахад 700 сая ам.доллар зарцуулахаар тус тус төсөвлөжээ. Улмаар 2030 онд бүрэн цахилгаан зургаан төрлийн автомашин танилцуулсан байх аж. Түүнчлэн, BMW компани Японд төвтэй Envision AESC компаниас автомашины батарейны эс худалдан авах гэрээ үзэглэв. Тус гэрээний хүрээнд Envision AESC нь Өмнөд Каролина мужид батарейн эсийн шинэ үйлдвэр барихаар төлөвлөжээ. BMW цахилгаан автомашины салбарт үйл ажиллагаагаа тэлэн дэлхийн олон оронд шинэ үйлдвэр байгуулах төслүүдээ үргэлжлүүлэн танилцуулсаар байна.

Эх сурвалж: CNBC