PlayStation тоглуулагчийг нийлүүлэгч Sony Interactive Entertainment компанийн гүйцэтгэх захирал Жим Райан ирэх онд тэтгэвэртээ гарах болсноо зарлажээ.
Түүний хувьд Sony Interactive Entertainment компанид нийт 30 жил ажилласан бөгөөд 2019 оны хоёрдугаар сард тус компанийн гүйцэтгэх захирлын албан тушаалыг хүлээн авч байсан юм. Тийнхүү ноён Райаны мэдэгдсэнээр тэр ирэх 2024 оны гуравдугаар сард тэтгэвэртээ гарна гэжээ.
Улмаар түүний албыг одоогийн үйл ажиллагаа хариуцсан захирал Хироки Тотоки түр хүлээн авах юм.
BBC сувгаас мэдээлснээр түүний карьерын хамгийн ойрын томоохон амжилт нь Sony Interactive Entertainment компанийг дэлхий дахинаа нийт 40 сая ширхэг PlayStation5 тоглуулагч борлуулахад хувь нэмрээ оруулсан явдал гэсэн байна.
Эх сурвалж: BBC