Норвег улсын Аюулгүй байдлын албанаас их сургуулийн багшийн дүрээр өнгөлөн далдлалт хийсэн Оросын тагнуулыг баривчилжээ.

Осло хотын Дотоодын аюулгүй байдлын агентлагаас хэлснээр тэд эрэгтэйг үндэсний эрх ашигт заналхийлж байна гэсэн шалтгаанаар ажилдаа явах замаас нь баривчилсан гэнэ.

Өдгөө 30 настай тус эрэгтэйн хувьд Бразил гаралтай академичийн дүр эсгэж байсан ч албаныхны зүгээс түүнийг орос хүн хэмээж байгаа юм.

Үйл явдлын хүрээнд Осло хот дахь Москвагийн элчнээс тухайн эрийг огт мэдэхгүй гэж мэдэгдсэн байна.

Шүүхээс гаргасан шийдвэрийн дагуу тухайн эрийг дөрвөн долоо хоног саатуулах юм.

Норвег улсын хувьд сүүлийн хэдэн долоо хоногийн хугацаанд Оросын тагнуул байж болзошгүй хэд хэдэн орос хүнийг баривчилсан байна. Шалтгаан нь Норвег улс Оросын байр суурийг эзэлж, Европ тивд байгалийн хий, газрын тос нийлүүлэх болсноор тус улсын дэд бүтцийн ойр орчим дрон үзэгдэх болсонтой холбоотой юм.

Эх сурвалж: BBC